fbpx

Српски „Ало“ со насловот и илустрациите ја упропасти веста за распитот на Јанева и Боки 13

-

Српскиот портал „Ало“ објави текст со  проблематичен наслов: „ Сменета специјалната обвинителка Боки 13 со лисици! Аферата „Рекет“ доби неочекуван епилог! Македонија се тресе! (ВИДЕО)  – SMENJENA SPECIJALNA TUŽITELJKA Boki 13 u lisicama! Afera “Reket” dobila neočekivani epilog! Trese se Makedonija! (VIDEO)

Фактички, содржинскиот дел на написот е сосема коректен,  но тој е врамен со погрешна,  збунувачка и манипулативна насловна конструкција. Имено, кога ќе се прочита ваквиот наслов, тој на прв поглед создава впечаток дека тогаш (21.09.2019) од функцијата специјален јавен обвинител  била разрешена од Катица Јанева, а Боки 13 – уапсен, што е неточно.

Јанева беше разрешена една недела претходно , односно на 14 септември , кога Собранието едногласно со 102 гласа „за“  и ниту еден глас ,,воздржан” и ,,против” ја донесе Одлуката за нејзиното разрешување поради „незаконито, несовесно и нестручно раководење со институцијата Специјално јавно обвинителство (СЈО)“.

Бојан Јовановски, познат како Боки 13 , пак,  беше уапсен пред повеќе од два месеца – на 15 јули – на граничниот премин Богородица по што со лисици на рацете во придружба на полицијата беше донесен на распит во Кривичниот суд.

Фотографијата и видеото со кои е поткрепен текстот се оттогаш, но со нив свесно се манипулира за да се креира погрешна слика небаре тоа се случува во моментот.

Инаку, самиот текст – содржината,  пренесува точна информација осомничените за случајот „Рекет”  Боки 13 и  Јанева во понеделник и вторник ( 23 и 24 септември), навистина се повикани на распит во Јавното обвинителство за организиран криминал и корупција.

Но, за жал веста е упропастена со несреќниот избор на наслов и илустрации.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...