Во „Средношколски фронт“ во Паркот на новинари во тек е потпишување петиција за поддршка на нивните барања. Како што велат средношколците, собирањето потписи е за нивните барања уште повеќе да добијат тежина и да бидат сериозно сфатени од надлежните.
– Апелираме до секој совесен граѓанин да дојде и да ја искаже својата поддршка во паркот спроти Министерство за образование и наука за да бидеме поблиску до остварување на нашите јасни и веќе одамна поднесени барања – велат од „Средношколски пленум“.
Досега се собрани околу 900 потписи. Граѓаните што ќе одлучат да ги поддржат средношколците, мора на списокот да го напишат и бројот на личната карта. Од пленумот велат дека нивниот број се зголемува со секој изминат момент.