Средношколците денеска, во 17 часот, пред Министерството за образование и наука ќе имаат нов протест против лошите реформи во образованието.
– Ќе се собереме денеска повторно на протест пред МОН, заедно со нашите родители и наставници, од кои имаме голема поддршка. Сè уште не сме договорени дали ќе имаме некаков перформанс или само мирно ќе протестираме – вели средношколецот Александар Милески.
Вчера средношколците, свирејќи со „вувузели“ и викајќи „Излезете кукавици“, ги повикаа надлежните да ги слушнат нивните барања. Тие, за да го искажат револтот, ги фрлија ученичките униформи пред зградата на МОН.
