„Средношколски пленум“ ја повикува Средношколската унија на јавна дебата, на која ќе ги соочат нивните ставови и аргументи и на која ќе дискутираат за своите барања.
„Средношколскиот пленум е автохтоно и автономно движење кое се бори и ќе се бори за правата на сите средношколци, без разлика на нивната партиска, верска и друга лична определба. Сметаме дека е несериозно да се нафрлуваат обвинувања за нелегитимност од организација за која ниту нејзините претставници не се свесни дека е формално-правно неактивна! Бараме од Средношколската унија, доколку навистина се смета за легитимен претставник кој ги штити правата на средношколците, во рок од 24 часа да се изјасни по поканата за јавна дебата“, велат од „Средношколски пленум“.