fbpx

Средба Заев – Ховит: Во декември мора да има фер избори

-

Претседателот на СДСМ, Зоран Заев, придружуван од заменик-претседателката Радмила Шекеринска, денеска се сретна со пратеникот во Европскиот парламент, Ричард Ховит.

На средбата била истакната неопходноста од регуларни избори во Македонија, како и потребата од демократска влада.

– Во декември мора да има фер избори и на таквите избори убедени сме дека СДСМ и опозицијата ќе ја добијат одговорноста да ја водат државата. Ние се отворивме целосно како партија за граѓаните и веќе работиме на приоритетите за граѓаните и за Македонија по декември. Човекот е во нашиот фокус, секој да има добар живот во Македонија и за таа цел вчеравечер конгресот на СДСМ усвои „План 180“, на што ќе се посвети новата Влада во првите шест месеци, како и план за итни реформи во првите две години од мандатот – изјавил Заев на средбата.

Пратеникот Ховит, кој беше еден од тројцата европратеници што го олеснуваа преговарачкиот процес меѓу власта и опозицијата, дава силна поддршка на напорите на СДСМ за обнова на демократските процеси во Македонија, како и на заложбите за стабилизирање на животниот стандард на граѓаните.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Минчев, поради злоупотреби, најави укинување на балансерот

Министерот за јавна администрација Горан Минчев најави укинување на балансерот. Како причина за ова, тој рече дека балансерот во минатото бил предмет на злоупотреби. „Имавме случаи каде етнички Македонци се...