Министерот за внатрешни работи Оливер Спасовски и амбасадорката на Обединетото Кралство, Н.Е. Рејчел Галовеј денеска остварија средба во просториите на министерството, на чиј фокус била успешната соработка во однос на борбата против илегалната миграција на регионално и на меѓународно ниво, информираат од МВР.
„Притоа беше истакнато дека Република Северна Македонија, кога станува збор за борбата против илегалната миграција, преставува одличен пример како се стекнува имиџ на сериозна земја. На средбата, меѓу другото, се разговараше и за важноста од забрзување на процесите за исполнување на НАТО стандардите во институциите во земјава“, се вели во соопштението на МВР.
Двете страни во текот на разговорите ги потврдиле своите заложби за уште поинтензивна соработка во иднина на сите полиња на одржување на безбедноста.