fbpx

Zhernovski në takim me Bejlin: Kriza politike të zgjidhet me prokuror të pavarur publik

-

Hapi i parë që të zgjidhet kriza politike mund të jetë emërimi i ndonjë personi i cili do të jetë prokuror i pavarur publik në Maqedoni, tha kryetari i komunës Qendër, Andrej Zhernovski pas takimit me ambasadorin e SHBA-ve, Xhes Bejli.

-Po hyjmë të gjithë, edhe faktori vendor edhe ai i jashtëm, në një fazë të ndjeshme në të cilën patjetër duhet të gjinden zgjidhje për këtë krizë të thellë politike dhe patjetër duhet të ulemi në tavolinë që të diskutojmë. Hapi i parë është shumë i rëndësishëm, do të mund të jetë emërimi i një personi i cili do të jetë prokuror i pavarur publik në Maqedoni. Jam i sigurt se ka mbështetje për këtë ide ndërsa i tërë procesi mund të mbikëqyret nga jashtë që qytetarët të kenë përshtypje se i tëri procesi do të jetë korrekt dhe jam optimist i madh se po mendohet në këtë drejtim dhe se mund të gjejmë zgjidhje- deklaroi Zhernovski.

Ai vlerëson se nuk do të ishte mirë prokurori të jetë nga jashtë sepse në këtë mënyrë nuk mund të kthehet besimi në institucionet.

-Kuptoj se do të jetë shumë vështirë që të gjendet personi i tillë tek ne në shtet dhe i cili do të ketë besim tek të gjithë faktorët, por patjetër duhet ta gjejmë, ekzistojnë njerëzit e tillë. Nuk guxojmë ne si opozitë të dalim me qëndrim se askush nuk është i denjë. Duhet të arrijmë deri tek ky person dhe ai të ketë mbështetje dhe situatë të hapur se mund të punoj ndershëm dhe si i pavarur- thotë Zhernovski.

Ai gjithashtu shtoi se me ambasadorin Bejli kanë biseduar edhe për propozimin e Zoran Zaevit për qeveri kalimtare dhe tha se në këtë drejtim po mendohet, por se do të ishte korrekte ai ta jep përgjigjen e tij.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.