Fondacioni për internet dhe shoqëri “Metamorfozis” në partneritet me Qendrën maqedonase për arsim evropiane (QMAE) dhe Reaktor- Hulumtim në aksion, nesër në Qendrën informative të BE-së prej orës 10 do të mbajnë konferencë përfundimtare në suazat e projektit “Rrjeti aksionar për udhëheqje të mirë”.
Në konferencë fjalim hyrës do të ketë euro- ambasadori Aivo Orav ndërsa bashkëbiseduesit do të diskutojnë në temën: udhëheqja e mirë, korrupsioni, transparenca dhe llogaridhënia.
“Qëllimi i projektit “Rrjeti aksionar për udhëheqje të mirë” është promovim i shoqërisë dinamike civile, që në mënyrë efektive mobilizon qytetarët për përfshirje aktive në sundimin e mirë dhe transparencë si dhe ndikimin ndaj proceseve për vendimmarrje në nivel lokal dhe nacional. Më hollësisht, projekti synon përmirësimin e përfshirjes së shoqërisë civile në krijimin e mendimit publik, krijimin e politikave dhe mekanizmave për vendimmarrje si dhe rritjen e kapaciteteve të shoqërisë civile për menaxhimin e çështjeve të rëndësishme shoqërore” thonë nga Fondacioni “Metamorfozis”.
Në suazat e këtij projekti, janë ndarë 16 grante të vogla për organizatat civile që e formojnë Rrjetin aksionar për udhëheqje të mirë, që paraqet platformë për bashkëpunim të organizatave civile, nisma joformale dhe të individëve që punojnë në fushën e udhëheqjes së mirë e që synon avancimin e udhëheqjes së mirë, si një prej kushteve për demokratizim të shoqërisë dhe avancimin e integrimeve euro- atlantike.
