Kreu i LSDM-së Zoran Zaev pas takimit të sotëm me liderët e Rilindjes Kombëtare Demokratike, Vesel Memedi dhe kryetarin e Lëvizjes për reforma në PDSH, Zijadin Sela tha se kanë qëndrim të përbashkët që më 24 të mos ketë zgjedhje.
Zaev mbet në qëndrimin e tij se pa pastrimin e listave zgjedhore dhe rregullimin e mediumeve, zgjedhje s’mund të ketë.
“Shpresojmë që këto kushte të plotësohen që të mund opozita të merr pjesë në zgjedhje” tha Zaev.
Me të u pajtuan edhe Memedi dhe Sela të cilët thanë se pa zgjidhjen e problemeve kyçe në shtet, zgjedhjet nuk guxojnë të mbahen.
Duke u përgjigjur në pyetje të gazetarëve, Zaev konfirmoi se LSDM ka dorëzuar metodologjinë për pastrimin e listave zgjedhore në KSHZ.
“VMRO DPMNE dhe BDI tentojnë të ikin nga zgjedhjet korrekte dhe demokratike. Tani të gjitha partitë i kanë dorëzuar metodologjitë deri në KSHZ dhe tani puna nuk varet nga politikanët, por nga Komisioni i cili është kompetent për pastrimin e listave zgjedhore” u shpreh Zaev.