Lideri i LSDM-së Zoran Zaev dhe zëvendësja e tij Radmila Sheqerinska sot në takimin e përbashkët kanë informuar ambasadorin e Bashkimit Evropian (BE)  në vend Aivo Orav, për ngjarjet e fundit, siç kanë përmendur kryesia e LSDM-së, tentimi i pushtetit të Gruevskit, “me  veprim të montuar kundër liderit të opozitës të parandalojë publikimin e argumenteve dhe fakteve për qeverisjen e saj kriminale”, njoftojnë nga LSDM-ja.

“Publikimi i provave dhe argumenteve për krimet e pushtetit nuk mund të jetë grushtet.  Është obligim dhe detyrë e çdokujt që ka marr kështu dëshmi, theksoi lideri Zaevi. Nuk mund të jetë shantazh për grushtet, kërkesa legjitime e liderit të opozitës për formimin e qeverisë teknike, e cila do të siguronte kushte për realizimin e zgjedhjeve korrekte dhe demokratike”, ka thënë Zaevi në takim, njoftojnë nga partia.

Zaevi theksoi se ngjarjet e fundit  është edhe një konfirmim tjetër për pushtetin ndaj gjyqësisë dhe mediumeve.

“Servisi nacional RTVM bllokoi tërësisht deklaratat dhe qëndrimet e LSDM-së. Fjalimi i kryeministrit Nikola Gruevski u transmetua live, në mënyrë integrale, ndërsa fjalimi i liderit të opozitës u emitua vetëm për 40 sekonda. Mënyra e informimit të mediumeve për këto ngjarje është objektive, joprofesionale dhe në anën e pushtetit, edhe njëherë konfirmojnë kontrollin e pushtetit ndaj mediumeve, gjë që është konstatuar edhe në raportin e BE-së”, tha Zaev.

“Gjithçka që kemi do të publikojmë” tha Zaevi .