Ka zgjidhje që mund të jenë të shpejta dhe ta befasojnë opinionin, por ato nuk varen vetëm nga opozita- deklaroi kryetari i LSDM-së, Zoran Zaev pas përfundimit të takimit të tretë të liderëve në Klubin e deputetëve.
Takimi i radhës është caktuar për fillimin e javës së ardhshme.
Zaev tha se takimi i sotëm ka kaluar në informimin e BDI dhe PDSH për negociatat në Strasburg dhe nuk deshi të tregojë më shumë detaje për atë nëse ka avancim në zgjidhjen e krizës politike.
VMRO DPMNE dhe LSDM as konfirmojnë e as demantojnë me atë nëse ekipi negociues nga BE ka dalë me “non papter” në takimin mes Gruevskit dhe Zaevit në Strasburg.
Edhe Ilija Dimovski nga VMRO DPMNE konfirmoi se javën e ardhshme do të mbahet takim i ri liderësh dhe theksoi se detajet do t’i zbulojnë përfaqësues të SHBA-së dhe BE-së.
