Kreu i LSDM-së Zoran Zaev, sot në promovimin e librit të Nano Ruzhin deklaroi se Marrëveshja e Përzhinës është varrosur sepse Nikolla Gruevski dhe Ali Ahmeti kanë marrë vendim të njëanshëm, shkruan “Telma”.
“Marrëveshja e Përzhinës është e vdekur sepse shtylla më serioze e kësaj marrëveshje është organizimi i Qeverisë për përgatitjen dhe zbatimin e zgjedhjeve. Kjo marrëveshje është shkatërruar me vendimin e njëanshëm të krerëve të VMRO DPMNE dhe BDI. Të gjithë jemi të vetëdijshëm se dalja e vetme nga kriza është komplekse ndërsa kjo dalje është që të ketë zgjedhje të besueshme dhe legjitime. Çdo gjë tjetër është skenar i padëshiruar që mund t’i ndodh Maqedonisë”- deklaroi Zaev.