Më 28 maj të vitit të kaluar, nga ky vend porosita se Nikolla Gruevski patjetër duhet të merr përgjegjësinë për zgjedhjet e organizuara kriminale, deklaroi në konferencën e sotme për shtyp para portave të shtëpisë ligjvënësve lideri i LSDM-së, Zoran Zaev.
Ai tha se edhe atëherë i ka kumtuar qëndrimet e opozitës, për ndarjen e partisë nga shteti, sundimin e të së drejtës dhe respektimin e vlerave elementare kushtetuese.
“Për vetëm 1 vit, Nikolla Gruevski pranoi çdo gjë që me gojën e tij e mohoi. Dorëheqje, qeveri kalimtare dhe prokuror të ri publik. Obligim ngelën vërejtjet e Komisionit Evropian, që u përmendën në raportin e Rajnhard Pribes, i cili vetëm konfirmoi gjendjet për të cilat folëm. Para se gjithash, të sigurohet gjyqësorë i pavarur, përmes kapitujve 23 dhe 24, pastaj listën zgjedhore, legjislacionin zgjedhor, rregullimin e mediumeve dhe lirimin e trupave rregullator nga kthetra e pushtetit. Sot ja sërish jemi këtu për t’i paralajmëruar hapat e ardhshëm pasi ia dolëm qëllimit. Marrëveshje për organizimin e zgjedhjeve korrekte të parakohshme parlamentare. Me këtë konfirmuam se e respektojmë marrëveshjen e firmosur më 2 dhe 15 qershor. Paralajmëroj se prej sot grupit i deputetëve të LSDM-së dhe partnerëve të koalicionit, që tërë këtë kohë punuan në terren, së bashku me qytetarët, do të vazhdojnë të punojnë në Parlament” tha Zaev.
Siç tha ai, deri më 15shtator duhet të zgjidhet prokurori special publik ndërsa deri më 20 tetor duhet të zgjidhet qeveria kalimtare, të rregullohen ndryshimet në legjislacionin zgjedhor dhe të bëhet listë tërësisht e re zgjedhore.
