Arsimtarët zëvendës të cilët nuk kanë zgjedhur në këshillin e arsimtarëve e kryejnë testimin ekstern në një pjesë të shkollave në Manastir, akuzojnë nga zyra rajonale e SASHK-ut. Drejtorë të më shumë shkollave në këtë qytet, pasi kanë vërejtur se janë hedhur në grevë profesorët që janë zgjedhur në këshillin e arsimtarëve për ta kryer testimin, menjëherë kanë gjetur persona tjerë për ta kryer testimin ekstern, thotë Fançe Joshevska, kryetar i SASHK-ut në Manastir.
-Testimi ekstern në Manastir zbatohet pjesërisht, por njëkohësisht, me shumë parregullsi. Kjo do të thotë se zëvendës arsimtarët janë persona që nuk janë zgjedhur nga këshilli i arsimtarëve. Pasi profesorët të zgjedhur për anëtarë të komisioneve janë hedhur në grevë, shkollat menjëherë kanë zgjedhur zëvendës arsimtarë. Për këtë shkak, patjetër duhet të analizojmë sa është testimi në rregull- paralajmëroj Joshevska.
Pas bojkotit të djeshëm të testimit ekstern në shkollën e mesme teknike në Manastir, sot në mëngjes testimit i janë nënshtruar vetëm 5 nxënës. Para fillimit të testimit, janë mbledhur 30 nga gjithsej nxënësit që është dashur të hyj në provim, por sërish pesë minuta para fillimit të testimit, janë larguar nga shkolla.
Sa i përket akuzave të SASHK-ut se zëvendës arsimtarët e zbatojnë testimin ekstern, drejtori i shkollës së mesme teknike nuk mohon këtë informatë.
-Sipas nesh, po përmirësohet gjendja dhe sot në testim janë pesë nxënës. Kemi edhe zëvendës arsimtar, patjetër duhej të gjenden zëvendësime, edhe pse nuk janë zgjedhur nëpër këshillat e arsimtarëve, kjo nuk është problem, thjeshtë bëmë zëvendësim-thotë drejtori Dragan Stojanoviq.
Rritet numri i arsimtarëve që i bashkëngjiten grevës në Manastir. Për herë të parë në grevë janë profesorët e gjimnazit “Josip Broz Tito”.