Partitë në pushtet BDI dhe VMRO DPMNE do të propozojnë ligj me të cilin do të ndalohet publikimi i materialeve nga bisedat e përgjuara. Këtë në konferencë shtypi në Kuvend e tha Talat Xhaferi, koordinatori i grupit të deputetëve të BDI.
Siç tha Xhaferi, nëse ligji miratohet, të gjithë që do ta shkelin, do të ballafaqohen me kallëzime penale.
Ky ligj do të vlej edhe për mediumet, që do të thotë se nuk do të guxojnë të ri- publikojnë “bomba” dhe dhe se të gjithë mediumet që i kanë publikuar bisedat, duhet t’i shkarkojnë nga faqja e tyre e internetit.
Ligji do të miratohet me procedurë të përshpejtuar ndërsa do të hyj në fuqi menjëherë pasi të shpallet në gazetën zyrtare.
Xhaferi tha se për këtë çështje ka konsensus ndërsa LSDM mohon diç të tillë.
