fbpx

VMRO DPMNE dhe BDI nuk pajtohen rreth “desorosoizimit”

-

BDI nuk pajtohet me partnerin e deritanishëm të koalicionit, VMRO DPMNE kur bëhet fjalë për procesin e “desorosoizimit”, që e paralajmëroi kreu i VMRO DPMNE-së, Nikola Gruevski.

Nga BDI për televizionin “Alsat M” thonë se kanë bashkëpunim të mirë me sektorin joqeveritar dhe Fondacionin “Shoqëria e hapur”. Duke mos përmendur drejtpërdrejtë VMRO DPMNE-në, nga BDI thonë se organet e shtetit duhet të merrem me dyshimet eventuale nga aspekti i financimit të OJQ-ve e jo veprimtarinë e tyre”.

“OJQ-të duhet të kenë mundësitë të punojnë lirshëm. Fondacioni shoqëri e hapur gjithashtu. Organet e shtetit duhet dhe do të reagojnë vetëm në atë rast kur ka dyshime në burimet e financimit apo nëse veprimtaria e tyre është e kundërligjshme. BDI do të vazhdojë të ketë bashkëpunim korrekt me OJQ-të në vend”, thonë nga BDI.

Të pyetur cili do të ishte qëndrimi i tyre nëse VMRO DPMNE në tryezën e bisedimeve kërkon të ndërmerren masa konkrete për “desorosoizimin” e Maqedonisë, nga BDI tonë se nuk kanë të dhëna për atë se cila organizatë joqeveritare apo medium me kë është apo nga kush financohet.

Termin “desorosoizim” për herë të parë e përmendi Gruevski në “vendimin” e ashtuquajtur të cilin e publikoi në protestën para KSHZ-së më 17 dhjetor.

“Do të luftojmë për desoroizimin e Maqedonisë dhe përforcimin e sektorit të pavarur civil i nuk do të jetë nën kontrollin e askujt. Do t’i qasemi rregullimit të fushës së financimit të fondacioneve dhe OJQ-ve, sipas modelit të demokracive më të zhvilluara në botë” tha Gruevski.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.