Dalja nga kjo situatë ku LSDM-ja kriminale e çoi shtetin është vetëm një. Zgjedhje të reja parlamentare. Vetëm në këtë mënyrë, qytetarët qartë dhe pa mëdyshje do të mund të prononcohen rreth Platformës së Tiranës. Vetëm në këtë mënyrë Maqedonia nuk do të ndjehet e mashtruar, porositi VMRO DPMNE në njoftimin e rregullt ditor.

Partia me ton shumë të ashpër, kundërshtarin e vet politik e krahason me krimin.

“Partitë shqiptare vërtetuan se ka Platformë ndërsa krimineli Zaev ka obligim që ta realizoj. Krimineli Zaev është i shantazhuar. Që mos të shkojë në burg, duhet të bëj çfarë kërkohet prej tij. Krimineli Zaev patjetër duhet ta ndryshojë Ligjin për gjuhë dhe ta zyrtarizojë në tërë territorin e vendit, që do të thotë hyrje për ridefinim të Maqedonisë në shtet binacional. Krimineli Zaev patjetër duhet t’i ndryshoj bankënotat, uniformat dhe t’i dënoj luftëtarët LNÇ për gjenocid. Krimineli Zaev patjetër duhet të hap debat për ndryshimin e flamurit, himnit dhe stemës. Krimineli Zaev patjetër t’i rifilloj proceset e kantonizimit dhe federalizmit si hyrje për ndryshimin e emrit të shtetit”, thuhet në kumtesën e VMRO DPMNE-së.