Bisedimet e sërishme për Marrëveshjen kornizë të Ohrit, që po e aktualizon Platforma e re e partive shqiptare, është hapje e Kutisë së Pandorës për çka VMRO DPMNE gjatë bisedimeve me BDI-në refuzoi të bisedoj për Platformën, është theksuar në takimin mes liderit të VMRO-së Nikola Gruevski dhe ambasadores së Turqisë, Erkal Kara.
Siç kanë thënë nga VMRO DPMNE në takim, pikërisht Platforma e partive shqiptare gjegjësisht kërkesa për dygjuhësi në tërë territorin e vendit, ka qenë shkaku për mossuksesin e bisedimeve me BDI-në për formimin e Qeverisë e jo PSP, siç thonë nga partia e Ali Ahmetit.
Kjo parti ka përsëritur qëndrimin se nevojiten zgjedhje të parakohshme parlamentare ndërsa në pyetjen e ambasadores nëse ato do të jepnin rezultatin e duhur për tejkalimin e situatës aktuale, Gruevski ka theksuar se ato i sheh si “mundësi për shtetin” e në të kundërtën “alternativa është kriza e vazhdueshme”.