Nëse deri në mbrëmje nuk arrihet marrëveshje mes partive politike, në LSDM mendojnë për më shumë skenarë, mes të cilave edhe publikimi i audio-regjistrimeve, mëson “Meta” nga partia opozitare.
Prej këtu informojnë se problemin kryesor që e kanë me VMRO DPMNE-në është ligji për “bombat” dhe ligjin për qeverinë. Mësojmë se VMRO DPMNE kërkojnë me ligjin për “bomba” të përfshihen të gjitha materialet e përgjuara dhe kanë insistuar në dënim me burg për përfaqësuesit e mediumeve që do t’i publikojnë të njëjtat. Nga LSDM kërkojnë ndryshimin e Kodit Penal, rritjen e gjobave për ndërmjetësimin e materialeve të përgjuara.
“Meta” mëson se komisari Han në takimin e djeshëm ka insistuar që të zgjidhen vetëm çështjet e hapura, për Qeverinë dhe prokurorinë publike ndërsa për materialet e përgjuara të bisedohet pasi të zgjidhen këto dy çështje. Megjithatë, mësojmë se VMRO DPMNE nuk e ka pranuar këtë sugjestion dhe 8 deri 10 orë kanë insistuar për diskutim lidhur me këtë çështje. Në fund të takimit, komisari Han ka reaguar se në kushte të këtilla nuk mund të ofroj rekomandim për ardhmëri evropiane të Maqedonisë dhe se është larguar nga rezidenca e BE-së në Përzhino.
Në lidhje me ligjin për Qeverinë, nga VMRO DPMNE kanë insistuar zëvendës- ministrat të kenë të drejtë vetoje për të gjithë çështjet ndërsa LSDM ngelin në qëndrimin e të drejtës që zëvendës- ministrat veto të kenë të drejtë vetëm për çështjet lidhur me zgjedhjet.
Sot prej orës 17 partitë edhe njëherë do të tentojnë t’i harmonizojnë qëndrimet rreth çështjeve të hapura.
