Ndërmjetësi belg Pier van Hojte sot pas vendimit të Këshillit të Prokurorëve Publik që të përzgjedh vetëm gjysmën e ekipit që ka kërkuar prokurorja speciale Katica Janeva deklaroi se me këtë nuk është respektuar Ligji për prokurorinë speciale.
– Ligji parashikon që prokuroja të ketë të gjitha resurset e nevojshme që ajo ka kërkuar ato financiare dhe kadrovike, dhe ato që ka prezantuar në raport. Siç duket ky parim i shkruar në ligj nuk respektohet, Mendoj se të gjithë duhet ta respektojnë dhe t’i përmbahen Marrëveshjes. Kjo ishte përgjigja e grupit të punës. Është pikëlluese që disa njerëz mendojnë se mund ta mbizotërojnë ligjin”, deklaroi Van Hojte.
Pas vendimit të Këshillit, LSDM braktisi bisedimet. Nga opozita paralajmëruan se nesër do të dalin me qëndrimin se a do të vazhdojnë ose jo me bisedimet. .
