Eksperti belg Piter van Hojte deklaroi se partitë janë në rrugën e duhur për të arritur marrëveshje për kodin zgjedhor, me çka shprehi kënaqësi.
Megjithatë, ai tha se një parti pa saktësuar, është larguar nga bisedimet për shkak të mos- respektimit të Ligjit për prokurorin special.
Sekretari i përgjithshëm i LSDM-së, Oliver Spasovski para Klubit të deputetëve ku u mbajtën bisedimet e grupeve të punës për rregullativën zgjedhore deklaroi se është shkelur Marrëveshja e Przhinos dhe Ligji për prokurori speciale publike.
“Ne tani po tërhiqemi nga bisedimet e konsultimeve në parti. Për ne Marrëveshja e Przhinos nuk është aktiv. Për gjithë hapat e ardhshëm që do t’i marrim më tej, do të informoheni” deklaroi Spasovski.