Raportuesi i Parlamentit evropiane për Maqedoninë, Ivo Uajgl deklaroi se ndalimi i krizës politike dhe i dhunës në Maqedoni është kusht që vendi të merr raport pozitiv.
Uajgl për televizionin slloven tha se pret që KE në ditët në vijim të konkretizojë se çfarë mund t’i ofroj Maqedonisë për ta stabilizuar situatën ndërsa autoritetet e vendit duhet në mënyrë konstruktive ta zgjidhin krizën politike e cila kulminoi me sulmin terrorist në Kumanovë dhe të tregojnë inkluzivitet ndaj shqiptarëve të Maqedonisë.
Ai vlerëson se Kumanova është zgjedhur si vend për incident për shkak të afërsisë me kufirin kosovar dhe serb dhe për atë se pjesa më e madhe e popullatës në këtë qytet janë shqiptarë. Uajgl shton se numri i viktimave, 8 prej policëve dhe 14 prej sulmuesve shqiptarë, me siguri do të ishte më i vogël nëse autoritetet maqedonase do t’i merrnin parasysh paralajmërimet që i kanë pranuar dhe do të reagonin në kohë.
Uajgl thotë se Kumanova është kulmi i krizës politike që ashtu po zgjat më gjatë kohë.
Përfundimi i krizës politike dhe dhunës janë kusht për BE që pozitivisht të pozicionet ndaj çështjes së të ardhmes së vendit ndërsa kjo do të thotë anëtarësim në BE, tha Uajgl. Ai gjithashtu përmendi se në të kundërtën mbështetja e Brukselit ndaj vendit mund të bie, si dhe mbështetja e Parlamentit evropiane, që nëntë vite me radhë miraton raporte pozitive për avancimin e shtetit.
Sipas Uajgl, për krizën në Maqedoni gjithashtu fajtor janë “mos-vendosmëria” dhe “qëndrimi anash” i BE-së dhe NATO-s në integrimin e vendit në këto struktura.
