Kryeministri grek, Aleksis Cipras kthehet në Greqi me obligim deri të mërkurën parlamenti grek të votoj listën e plotë të parakushteve dhe aksioneve prioritare që janë arritur në bisedimet 17 orëshe për ndihmën e re greke në Bruksel.
Plani B për largimin e Greqisë nga euro- zona është evituar, por për Greqinë të vazhdoj drejt bisedimeve dhe pagesën e ndihmës së re si dhe kthimin e besimit në të, do të jetë e patjetërsueshme deri të mërkurën të dorëzoj masat të votuara deri tek euro- grupi i cili do të vazhdoj me punë të mërkurën.
Siç njoftoi kancelarja Angela Merkel, parlamenti grek deri të mërkurën duhet urgjentisht të votoj masa dhe reforma si miratim për ndryshimin e sistemit tatimor dhe ndryshimin e TVSH-së, reforma në sistemin pensional, përforcimin e pavarësisë së shërbimit statistikor grek si dhe reforma në administratën publike,.
“Kjo është marrëveshje zbatimi i të cilës do të jetë vështirë. Masat janë ato që janë votuar në Kuvend. Kam ndjenjë se pakoja e zhvillimit prej 35 masave, riparimi i borxhit dhe ndihmës financiare do të krijojnë ndjenjë tregu se Grexit është diçka e kaluar dhe kjo mund të krijoj valë të re investimesh” theksoi Cipras.