Partitë politike nënshkruese të Marrëveshjes së Przhinos kanë edhe një ditë për të emëruar prokurorin special publik dhe kornizën ligjore për votimin e tij në Kuvendin e RM-së. Sipas të dhënave të cilat i siguroi “Meta” edhe mbrëmë nuk ka pasur përafrim të qëndrimeve për këtë pikë ndërsa çështje kontestuese edhe më tej ngel zëvendës- prokurorët.
Në tavolinë është edhe propozimi i lehtësuesit belg, Piter van Hojte si dhe propozim- ligji i përpiluar nga gripi i punës së LSDM-së.
E vetmja gjë e ditur është se nesër skadon afati për emërimin e prokurorit special, që sipas Marrëveshjes së Przhinos duhet të zgjidhet deri më 15 shtator. Ai me autonomi të plotë duhet të nis hetime për rastet “Përgjimi” dhe “Puçi”.
Dilema e parë që do të hapej sipas avokatit Oliver Vuksanoviq është zbatimi i legjislacionit ekzistues ligjor për emërimin e prokurorit, që thotë se ai krahas fakultetit juridik dhe provimin e legjislacionit duhet të ketë kryer Akademinë për gjykatës dhe prokurorë publik.
Gjithashtu nuk është e qartë cili do të jetë konstruksioni financiar për administratën dhe se kush do t’i paguaj kontabilistët, daktilografët, pajisjen teknike kompjuterike etj.
“Gjithashtu për këtë institucion të ri nevojitet teknikë e sofistikuar, kompjuterë, kamera. Do të nevojiten makina dhe parking të tërë e për këtë do të duhet të shpallet tender” thotë Vuksanoviq.
