Gjykata Evropianë për të Drejtat e Njeriut (GJEDN) solli vendim në favor të gazetarëve, Naser Selmani, Natasha Stojanovska, Frosina Fakova, Snezhana Lupevska, Biljana Bogdanovska dhe Toni Angellovski janë ankuar përpara Gjykatës për dëbim nga galeria e Kuvendit me dhunë, edhe pse të njëjtit kanë qenë të akredituar si gazetarë dhe gjatë asaj kohe e kanë ndjekur debatin për sjelljen e Buxhetit më 24 dhjetor të vitit 2012.

Gazetarët kanë kërkuar dëmshpërblim prej 5000 eurove për secilin, pas çka Qeveria ia ka kontestuar këto kërkesa si të pabaza dhe të tepruara. Gjykata vendosi çdo paditësit t’i jepet shuma prej 5000 euro në bazë të dëmit jo- material.

Gjykata e Strasburgut ka vendosur se në këtë lëndë ekziston shkelje e nenit 10 nga Konventa evropiane për të drejtat e njeriut, që ka të bëjë me liritë e shprehjes si dhe nenit 6 që ka të bëjë me dëgjimin e drejtë dhe korrekt.

Në nenin 6 të Konventës, në të cilin thirren gazetarët, thuhet se secili ka të drejtë publike dhe juridike, në afat të arsyeshëm, para gjykatës të pavarur dhe të paanshëm e vendosur me ligj të shqyrtohen dhe vërtetohen të drejtat e tij qytetare dhe obligimet apo bazueshmëria e çfarëdo akuze penale ndaj tij.

Në nenin 10 të Konventës thuhet se secili person ka të drejtë të lirisë së shprehjes. Sipas konventës, kjo e drejtë përfshin lirinë e mendimit dhe lirinë e pranimin dhe përçimit të informacioneve apo ideve, pa u përzier autoriteti publik dhe pa marrë parasysh kufijtë. Ky nen nuk i pengon shtetet, ndërmarrjeve për radio, film dhe televizion, t’u imponojnë regjim të lejeve për punë.