I shohim çdo ditë dhe sa më pak i vërejmë gjurmët e ndryshimeve që koha ka lënë në dukjen e tyre të jashtme. Kur hynë në politikë të gjithë ishin të freskët dhe thuajse pas një dekade pune, orët e gjata të punës, stresi dhe obligimet lanë gjurmë në dukjen e tyre fizike.
Mirëpo, kjo nuk vlen vetëm për politikanët tanë.
Të njëjtat ndryshime fizike i vërejmë edhe tek politikanët e rajonit.
Tek disa nuk dallime, por disa të tjera thuajse nuk mund t’i njohim fare. Megjithatë, gjuha e trupit dhe dukja e fytyrës tek të gjithë thuajse ka mbetur e njëjtë.
Edhe pse për një pjesë të tyre thuhet se shfrytëzojnë trajtimet më bashkëkohore të kozmetikës, megjithatë duke se politikanët tanë plaken natyrshëm.
Për ndonjë, vit me këtë ritëm, karrierat politike mund t’i ndërrojnë me rolin Babagjyshit dhe bashkëshortes së tij- të paktën për më të afërmit e tyre.
Ekipi i “Meta.mk” iu uron më shumë shëndet, mençuri dhe sa më pak stres për vitin 2015.
- Gjorge Ivanov: Koha bëri kompromis dhe me mend ndryshoi dukjen fizike të profesorit pas teorive politike, pasiqë u bë president i Maqedonisë.
- Nikola Gruevski: Me seancat e stërgjata qeveritare i mplaki të gjithë me punë 24/7, por tek ai më së paku vërehen ndryshimet. Nuk është vërtetuar se kjo a është për shkak të paraqitjes së tij të rregullt në opionon apo me qethjen e rregullt të flokëve.
- Zoran Stavrevski: Investimet e shumta lanë gjurmë të thella në dukjen e tij fizike. Ballafaqimi me krizën ekonomike botërore, e la pa gjumë.
- Nikola Todorov: Problemet me mantelet e bardhë i sollën shumë thinja të bardha. Sportin e zëvendësoi me aktivitete zgjedhor dhe lista pozitive.
- Andrej Zhernovski: Nuk pati sukses me luftën kundër barokut, por me liberalizëm ballafaqohet me vitet që ka.
- Radmila Sheqerinska: Tek ajo vërehet se më mirë është të jesh në opozitë sesa në pushtet. Nëntë vite abstenim nga pushteti i bëjnë mirë.
- Teuta Arifi: Aq shpesh ndryshon dukjen sikurse edhe funksionet politike. Edhe përpos ajrit të ndotur ajo burrërisht ballafaqohet me vitet që mban.
- Karolina Ristova Asterud: Duket se dëshiron të ngërthejë frymën e re studentore. Me ngjyrën e ngjashme të flokëve e shpreh temperamentin e zjarrtë.
- Ilija Dimovski: La mjekrën, nxori syzet, doli nga Qendra e Komunikimit të VMRO- DPMNE-së dhe tani i rregulluar kamxhikon kolegët e tij deputetë.
- Ljubmir Fërçkovski: Nuk është i përhershëm, sikurse në karrierë ashtu edhe në dukje. Herë mban syza, herë nuk mban, herë ka mjekër herë nuk ka. I përhershëm është vetëm me prezencën e tij në mediat proqeveritare.
- Ljubço Georgievski: Mjekra vmroiste sa vjen e ka më të bardhë dhe më të shkurtër. Por, kjo nuk i ndikon në disponimin që ka. Edhe atij opozita i bën mirë.
- Stefço Jakimovski: Në të vërtet atij askush nuk mund t’i bëjë gjë. Sidomos tani kur fati e bashkoi me pushtetin. U thinj por nuk u mplak.
- Barak Obamës Shtëpia e Bardhë ia zbardhi kokën. Aleksandar Vuçiqi ndjek shembullin e Gruevskit dhe fsheh vitet. Ivica Daciçin edhe pse kënga ia mbajti shpirtin e ri politika sërish arrit ta mplak.
