Falje publike dhe tërheqje nga gënjeshtrat, shpifjet dhe dezinformatat e përhapura nga “Stop Operacioni Soros” (SOS), sot në konferencë shtypi kërkuan 21 organizatë civile.

Nëse nuk kërkojnë falje publike, organizatat thonë se do të jenë të detyruara drejtësinë ta kërkojnë në gjykatë gjegjësisht do të ngritin padi për shpifje dhe ofendim.

“SOS”-i në publik ka paraqitur të dhëna të pavërteta dhe manipulative më qëllim që të heshtin zërin e shoqërisë qytetare, të diskreditojnë dhe të zymtojnë të arriturat e tyre. Kjo kërkesë publike ndaj SOS-it është në pajtueshmëri me ligjin për shpifje dhe fyerje dhe duhet të realizohet brenda 7 ditëve, në të kundërtën do të ngremë padi ndaj tyre”, u shpreh Filip Stojanovski nga OJQ “Metamorfosis”.

Nga organizatat civile theksuan se është shpifje dhe gënjeshtër se ato kanë punuar për destabilizimin e shtetit, se kanë shkaktuar krizë, se kanë punuar për qëllime partiake, se janë paguar që të dalin në protesta dhe se kanë marrë miliona nëpër llogaritë e tyre për synime partiake.

“Dërgojmë mesazh deri tek institucionet e shtetit që posedojnë informacione për punën e organizatave civile që mos t’i tejkalojnë kompetencat e tyre ligjore dhe të mos vendosën në shërbim të klikës jo- demokratike kundër shoqërisë civile mendjelirë” tha Sanja Bogatinova nga Shoqata e federalistëve të rinj evropian.

Organizatat civile porositën se edhe më tej do të qëndrojnë në orientimin e tyre për liri, demokraci, barazi, drejtësi dhe respektimin e të drejtave të njeriut.