Qindra qytetarë u grumbulluan para radio- televizionit të Maqedonisë (RTVM) në protestën e cila filloi prej orës 12 për shkak të refuzimit të servisit nacional të transmetoj audio regjistrimet e “bombave” që është duke i publikuar lideri opozitar, Zoran Zaev.
Disa nga qytetarët e grumbulluar sillen bashkë njëri afër tjetrit, duke bartur me vete shkronja që përbëjnë parullën “Ua censurues”.
Letrat në të cilat shkruan parulla e njëjtë shpërndahen në mesin e qytetarëve të grumbulluar.
Protestën në të cilën qytetarët duan të tregojnë revoltin e tyre nga politika redaktuese e RTVM-së, e udhëhoqi Stojançe Angelov, i cili kohëve të fundit çdo natë është duke protestuar para godinës së servisit nacional.
