Të mërkurën më orën 11, anëtarët e Komisionit anketues për përgjim si dëshmitar do të kenë kryeministrin Nikolla Gruevski, të enjten Martin Protugjerin dhe Zoran Stavreskin, të premten Sasho Mijalkovin, më 14 dhjetor Gordana Jankulloskën ndërsa më 15 dhjetor Mile Janakieskin, njoftoi sot kryetari i Komisionit, Petre Shilegov.
“Gjatë ditës së sotme si kryetari i Komisionit anketues kam tentuar të koordinohem me grupin e deputetëve të VMRO DPMNE-së që të mund të përpilojmë orarin e dëshmitarëve që duhet të paraqitën në gjykatë prej ditës së mërkurë. Për fat të keq nuk ia dolëm. Deri në prononcimin tim, në arkivin e Kuvendit të RM-së deri më tani asnjë nga dëshmitarët e thirrur për bisedë informative nuk ka njoftuar me shkrim se kur mund të vij dhe të deklaroj para Komisionit anketues” deklaroi Shilegov.
Shilegov tha se orari është thirrje publike deri te personat në terminet e përcaktuar të paraqiten para Komisionit anketues dhe të japin deklaratë për faktet, rrethana dhe përmbajtja e bisedave të publikuara të përgjuara.