Nesër partitë politike do të vazhdojnë me bisedimet lidhur me reformat në mediume, kështu që i bëjmë thirrje BE-së dhe SHBA-së të këmbëngulim te biseduesit që të pranojnë propozimin e ndërmjetësit belg Piter Vanhoute, theksoi në konferencën e sotme për shtyp kryetari i Shoqatës së gazetarëve të Maqedonisë, Naser Selmani.
Sipas tij, ky propozim është zgjidhja më e mirë sepse në të zbatohen praktikat më të mira evropiane, të plotësuara me përvojat e gazetarëve të vendit.
“Ky propozim do të ndihmojë që të kemi media të lira. Duke pranuar propozimet RTVM do të jetë në shërbim të qytetarëve, jo të partive politike, kurse agjencioni i mediave do të jetë trup profesional që do të mbështesë liritë e mediave”, tha Selmani.
Propozimi i Vanhoute është i pranueshëm edhe për Sindikatën e pavarur të gazetarëve dhe punonjësve të mediumeve. Kryetarja e SPGPM, Tamara Çausidis thotë se këto janë momente kyçe për të ardhmen e Maqedonisë dhe për gazetarinë si profesion.
