Nuk e dimë nëse bisedimet për mediumet do të vazhdojnë. Unë sinqerisht prisja një raport të këtillë nga pushteti sepse mendoj se për ta mediumet janë instrument i rëndësishëm në mbajtjen e pushtetit, sesa të themi prokurori apo heqja dorë nga disa poste ministrore sepse sistemi i qeverisjes së kësaj garniture qeveritare është i tillë ku pa mediume nuk do të mund të sheshin tregimin për të cilin e bindin opinionin maqedonas, thotë Naser Selmani kryetari i SHGM-së në intervistë për “Radio Evropa e Lirë”.
“Mendoj se bisedimet janë bllokuar për fajin e partive në pushtet. Është e çuditshme që BDI në fillim mbështeste propozimet e z. Vanhoute ndërsa në ndërkohë tani kanë hequr dorë dhe janë pozicionuar drejt VMRO DPMNE-së, ku praktikisht propozojnë asgjë të mos ndryshoj. Me siguri këto janë raportet mes partnerëve të koalicionit dhe ne mundemi vetëm të supozojmë se çfarë qëndron prapa mendimit të BDI që të heq dorë nga mbështetja e qëndrimeve të Vanhoute. Me siguri bëhet fjalë për presione, kërcënime, vetëm ata dinë, por është e rëndësishme që në bisedime kemi pozicion të tillë që opozita i mbron qëndrimet e z. Vanhouzte ndërsa pushteti fuqishëm kundërshton” deklaroi Selmani.
Ai thotë se në ka zgjedhje me këto mediume, njerëzit do të jenë edhe më të hutuar për ofertën që e kanë në tavolinë.
