Koordinatori i grupit të deputetëve të LSDM-së, në Kuvend Goran Sugarevski sot në konferencë shtypi deklaroi se grupi i tyre ka dorëzuar propozime për ndryshimin dhe plotësimin e pesë ligjeve. Siç shpjegon ai, tre prej tyre lidhen ne testimin ekstern gjegjësisht anulimin e testimit, njëri është për rritjen e rrogës minimale prej 9500 në 11. 000 dhe njëri për kontrollin e shpenzimit të parave të popullit.
“Testimi ekstern në vend që të përmirësoj gjendjen në arsim, e dëmton atë në mënyrë drastike. Edhe për nxënësit edhe për arsimtarët. Fëmijët durojnë stres të panevojshëm dhe panik që mund të ndikoj në shëndetin e tyre të mëtutjeshëm. Shuma e përgjithshme që duhet të shpenzohet për rritjen e rrogës minimale është sa kushton karuseli panoramik dhe nuk konsiderojmë se do të jetë problem. Për kontrollimin e shpenzimit të parave publike, do të kërkojmë ndryshim në Ligjin për buxhet, ku do të parashihen dispozita të caktuara me të cilat qytetarët do të informohen për atë se si shpenzohen paratë e tyre, sepse siç është kështu ligji, ka mundësi që të ketë obstruksione nga pushteti. Propozimet janë dërguar dhe presim deputetët t’i mbështesin” deklaroi Sugarevski.
