“Kërkesat që i kemi si opozitës, do të jenë zgjidhjet tona si pushtet”, thotë zëdhënësi i LSDM-së, Petre Shilegov në pyetjen e “Meta-s” për atë se si planifikojnë të jenë më ndryshe dhe çfarë do të ndryshoj opozita e tanishme në pjesën e kontrollimit të punës së DSK-së kur të vijë në pushtet.

Dje lideri opozitar, Zoran Zaev publikoi audio regjistrim në të cilën ministrja e brendshme, Gordana Jankuloska, drejtori i DSK-së Sasho Mijalkov dhe kryetari i Parlamentit, Trajko Veljanovski, përgatitin strategji dhe merren vesh për Ligjin e ndjekjes së komunikimeve, i miratuar në vitin 2012, me të cilin do të mund ta kufizojnë kontrollimin dhe do t’ia lidhnin duart Komisionit parlamentar, kompetente për mbikëqyrjen gjatë zbatimit të masës së veçantë hetimore për ndjekjen e komunikimeve.

“Pas gjithë asaj që u përmend, dyshoj se çfarëdo pushteti i ardhshëm që do të vijë do të tentoj t’i keqpërdor sistemet për ndjekje. Patjetër duhet të përpilohen zgjidhje ligjore dhe atë që LSDM po e tregon tani si opozitë, do të jetë mënyra e saj e të vepruarit edhe kur të vijë në pushtet. Mes tjerash, edhe Kuvendi po të hyj në DSK dhe ta kryej kontrollin e nevojshëm. Shumë gjëra ka këtu për të pastruar në planin e brendshëm të Drejtorisë së sigurimit dhe kundër- zbulimit, të cilën tani askush nuk e kontrollon”, deklaroi Shilegov për “Metën”.