“Ky është skandal i ri, pas një sërë skandalesh ku i fundit ishte me pasaportën diplomatike të Mijallkovit” reagojnë nga opozitarja LSDM lidhur me informacionin se ish drejtorit të Drejtorisë së Sigurimit dhe Kundërzbulimit (DSK), Sasho Mijallkov, pasi i është gjetur pistoletë në valixhen e udhëtimit.
Nga LSDM-ja pyesin : Kush i ka lejuar Mijallkovit të kalojë pa e kontrolluar valixhen e tij se çfarë ka në të?
“Kush do ta merr përgjegjësinë për pistoletën e pa lajmëruar që ka ai e ka mbajtur në aeroplan? Kush garanton siguri në trafikun ajror? Ky skandal i hap dyshimet se çka tjetër mbanë në valixhet e tij Sasho Mijallkov, i cili siç duket kalon i pakontrolluar në Maqedoni. Nëse nuk e ka lajmëruar pistoletën, atëherë gjithçka tjetër nuk lajmëron kur Sasho Mijallkov lëshon Maqedoninë”, thuhet në deklaratën e LSDM-së.
Nga partia më e madhe opozitare thonë se këto ngjarje edhe njëherë konfirmojnë nevojnë për rikonstruksion themelor të sistemit dhe institucioneve shtetërore të Maqedonisë.
“Një gjë është e qartë. Rrethi ndaj Sasho Mijakllovit po ngushtohet. Kudo që të shkoj, nuk mund t’i shmanget përgjegjësisë”, thonë nga LSDM-ja.
