Seanca gjyqësore për rastin “Puçi” sërish është prolonguar më 13 nëntor në fillim prej orës 10. Lideri i LSDM-së Zoran Zaev nuk u paraqit në seancë, por avokati i tij Filip Medarski dorëzoi dëshmi se ai është në takim tjetër të caktuar më herët me fond ndërkombëtarë për investim dhe zhvillim.
Pas përfundimit të seancës, avokati i Zoran Verushevskit, Angele Ilievski tha se nuk dihet nëse do të mbahet edhe seanca e radhës.
“Çdo gjë varet nga pushteti. Nëse ata ndalojnë me obstruksionet e prokurorit publik special dhe e kompletojnë ekipin, që të mund të merren me rastin “Puçi” atëherë do të mund të vazhdohet procesi” tha Ilievski.
