‘Revolucioni Laraman’ për të hënën ka njoftuar protestë të re, e cila do të fillojë tashmë si zakonisht para objektit të PSP-së në ora 19:00.
“Drejtësia është e rrezikuar. Protestoj! Gjykata kushtetuese është nën okupimin partiak. Protestoj! Gruevski dhe Ivanov iu kërcënohen qytetarëve. Protestoj! Pushteti dëshiron të negocioj fshehtë. Protestoj! Pushteti nuk dëshiron t’i dëgjoj qytetarët. Protestoj! Protestoj me “Revolucionin shumëngjyrësh” të hënën para fortesës sonë- PSP-në. Lufta për drejtësi vazhdon. Protestoj 80 ditë me bashkëluftëtarë. Bashkërisht penguam faljen e kriminelëve, bashkërisht penguan zgjedhje të falsifikuara! Miqtë tanë janë në liri. Vazhdojmë, përfshihemi në zgjidhjen e krizës” thuhet në njoftimin e “Revolucionit”.
Protesta e fundit e organizuar nga aktivistët dhe mbështetësit e lëvizjes ‘Protestoj’ dhe ‘Revolucioni Laraman’ u zhvillua të hënën e kaluar. Kjo protestë ishte një nga më në numër ndonjëherë të përfshirë mijëra qytetarë.