“Revolucioni shumëngjyrësh” sot në profilin zyrtar në Facebook iu bëri thirrje deputetëve që mos të marrin pjesë në punën e Kuvendit derisa të mos plotësohen kërkesat e tyre.
“Deputetë, që të tregoni se jeni për mbrojtjen e të drejtës, sovranitetit të qytetarëve të Kushtetutës, prej jush kërkojmë të mos merrni pjesë në punën e Kuvendit derisa i njëjti të mos prononcohet për kushtetutshmërinë e PSP dhe derisa të garantohet pjesëmarrja e qytetarëve në bisedimet për dalje nga kriza, si rol vëzhguesi” thuhet në reagimin e tyre.
Në fjalim ata i sigurojnë deputetët se qytetarët kanë vendosur të marrin rol aktiv, konstruktiv dhe përgjegjës në krizën aktuale politike. Në fjalimin me shkrim, gjithashtu thuhet se protestat kanë ndërtuar qëndrim civil dhe politik prej të cilit nuk heqje dorë.
