Qytetarët kanë tërhequr 58,5 milion euro rekord në muajin prill nga bankat e vendit, që është 1,6% nga depozitat e përgjithshme të popullatës. Këtë sot e njoftoi guvernatori i Bankës Popullore, Dimitar Biogov, në takimin e rregullt me bankierët e Odës ekonomike të Maqedonisë.
“Banka Popullore intervenoi në treg me 77 milionë euro. Tërheqja e kësaj shume të lartë të mjeteve nga qytetarët ishte stres- test real për bankat, të cilat për shkak të likuiditetit të mirë, kapitalizmit dhe nivelit të lartë të devizave, ia dolën të ballafaqohen me krizën” shtoi Bogov.
Tërheqja e këtillë masovike e të hollave nga ana e qytetarëve lidhet me spekulimet për devalvim të mundshëm të denarit dhe krizën e krijuar artificiale në tregun e këmbimoreve të devizave.
