PSP sot hapi aksionin më të ri me emrin “Fortesa”. Siç njoftoi prokurorja Lençe Ristovska, në këtë hetim janë përfshirë pesë zyrtarë, kryeshefa në MPB që kanë keqpërdorur pozitën e tyre dhe në gjysmën e parë të vitit të kaluar kanë shkatërruar pajisje për ndjekje joligjore të komunikimeve.
Në hetim dyshohet edhe ish ministrja e brendshme, Gordana Jankulloska e cila ngarkohet se ka shkatërruar pajisje në vlerë prej 10 milion euro.
Pajisja është dërguar në depo ku është shkatërruar dhe mbikëqyrur. Prej atje, copat janë dërguar në depo tjetër dhe janë shkatërruar për herë të dytë, dhe më pas janë kthyer në depo të dytë.
Siç shkruajnë mediat, PSP është vënë në gjurmën e kryeshefit të DSK-së, Goran Grujoski ndërsa përgatiten edhe akuza për gjashtë persona që ngarkohen për veprën penale përgjim të paautorizuar dhe regjistrim tonik.
Tani për tani, mësojmë se Grujoski nuk është i kapshëm për PSP-në ndërsa policia e kërkon të njëjtin.
