Organizatorët thonë se nuk do të dorëzohen deri sa të mos fitojnë betejën.
“Nuk do të na frikësojnë kërcënimet dhe presionet! Nuk na frikësojnë thirrjet për biseda informative! Duke marshuar rrugëve po lirohemi, tani hapërojmë drejt institucioneve për t’i liruar ata. Fjalët tona, fishkëllima dhe ngjyra janë paralajmërues për një epokë të re. Kohë të qytetarëve aktive”, thonë nga “Protestoj”.
MPB ndërkohë vazhdon të thërasë në biseda informative pjesëmarrësit në protesta.
Pas gjobës ndaj kreut të Komitetit të Helsinkit në Maqedoni, për shkelje të ligjit për pastërti publike, nesër në bisedë informative nga Ministria e Punëve të Brendshme, janë thirrur edhe aktivistja për të drejtat e njeriut dhe profesoresha universitare, Mirjana Najçevska, dhe Urania Pirovska nga Komiteti i Helsinkit.
Lajmin e ka konfirmuar “Lëvizja Protestoj”, nga e cila kanë bërë thirrje që nesër në mëngjes, qytetarët të mblidhen para stacionit policor Beko për t’u dhënë përkrahje pjesëmarrësve në protesta.
