Qeveria me procedurë të shpejtë ka vendosur që të shpërblejë prokurorët publik dhe gjykatësit me pagesa të rritura për 35%. Siç thuhet në propozim ligjin për ndryshime dhe plotësime të ligjeve për pagesa të prokurorëve publik dhe gjykatësve, qëllimi kryesor se pse propozohen ligjet është që të përforcohet pavarësia e prokurorisë publike dhe gjykatave.
Propozues të dy propozim- ligjeve është Qeverisë ndërsa përfaqësues janë ministri i drejtësisë Adnan Jashari dhe zëvendësja e tij Biljana Brishkovska- Boshkovski.
Për propozim- ligjin e prokurorëve publik, siç thuhet në materialin e Kuvendit parashihet shumë prej 20 milion denarëve në vit apo 325.000 euro ndërsa në propozim- ligjin për rrogat e gjykatësve nuk përmendet shifër e caktuar dhe vetëm thuhet se “për zbatimin e propozim- ligjit nevojiten mjete financiare shtesë në buxhetin gjyqësorë”.
Sipas materialeve që mund të shihen në faqen e internetit të Kuvendit, ndryshimet e propozuara të dy ligjeve janë identike për nga forma ndërsa dallojnë vetëm nenet.
