Ambasadori i BE-së në vend, Aivo Orav deri tek Ministria e Jashtme ka dërguar notë diplomatike pasi lideri opozitar Zoran Zaev njoftoi se të paktën gjashtë ambasadorë të vendeve më të rëndësishme kanë qenë të përgjuar. Euro- ambasadori përmes notës ka kërkuar të respektohet Konventa e Vjenës për marrëdhënie diplomatike, shkruan “Prizma”, duke u thirrur në burime diplomatike të Rrjetit ballkanik hulumtues të reporterëve ( BIRN ).
Siç shkruan“Prizma” informacionin edhe zyrtarisht e kanë konfirmuar nga MPJ, përmes deklaratës me letër ku thuhet se “nota është dërguar gjatë kërcënimeve në opinion të një lideri të partisë politike se posedon materiale ilegale dhe të krijuara”.
“Kemi komunikim të vazhdueshëm, por nuk mund të komentojmë kur bëhet fjalë për komunikim bilateral, përmes notës verbale apo ndonjë note tjetër. Komunikimin publik e shprehim përmes njoftimeve”, ishte përgjigja nga zyra e ambasadorit Orav dërguar deri tek Rrjetit ballkanik hulumtues të reporterëve ( BIRN ) lidhur me këtë çështje.
