Presidenti i Maqedonisë Gjorgje Ivanov dhe ministri i brendshëm, Mitko Çavkov kanë biseduar për masat dhe aktivitetet që po merren për parandalimin dhe menaxhimin lidhur me hyrjen e refugjatëve në rajon sidomos për shkak të transitit nëpër Maqedoni.
Në takim është konstatuar se të gjithë subjektet që marrin pjesë në sistemin e menaxhimit me kriza, funksionojnë me aktivitete të shtuara dhe ballafaqohen me mungesë kapaciteti në aspekt material, kadrovik, teknik dhe mjete transportuese, informojnë nga kabineti i presidentit.
“MPB ka konstatuar hyrje ditore prej 6000-7000 shtetasve të huaj ndërsa të dhënat thonë se ky fluks në muajt e ardhshëm do të shtohet. Forcat policore do të ballafaqohet me aktivitete shumë komplekse. Nëse ndërpritet korridori dhe mbyllen kufijtë, por edhe për shkak të kushteve të motit, Maqedonia do të jetë e detyruar që të zbatoj plane për përgjigje përkatëse për ta ruajtur sigurinë e saj nacionale” tha ministri i brendshëm.
