Bartësi i nismës “Partneritete për Maqedoninë” Stevo Pendarovski, sot nga Demir Kapia vlerësoi se opozita pret zhvendosje të datës për zgjedhjet e parakohshme zgjedhore si dhe këtë herë të mos ketë datë të re fikse për zgjedhje derisa nuk plotësohen të gjitha pikat e Marrëveshjes së Përzhinos.
“Këto ditë presim vendim lidhur me mbajtjen e zgjedhjeve të parakohshme parlamentare gjegjësisht shtyrje të afatit siç u arrit marrëveshje nga dy partitë në qeverinë aktuale për 24 prill. Këtë herë presim të mos fiksohet datë e re për zgjedhje derisa nuk respektohen të gjitha pikat e Marrëveshjes së Përzhinos. Nëse zbatohen të gjitha pikat, siç thuhet në Marrëveshje, ka bindje, jo vetëm këtu në Demir Kapi, por në tërë Maqedoninë, se disponimi opozitar është në nivelin më të lartë të mundshëm” tha Pendarovski në vizitën e tij në Demir Kapi.
