Kandidati për president i LSDM-së, Stevo Pendarovski, në intervistën për “Sloboden peçat” pohon që LSDM dhe opozita e bashkuar obligohen t’i bëjnë thirrje presidentit Gjorgje Ivanov ta kthejë mandatin sepse nuk do ta fitonte po të ishte respektuar vullneti i qytetarëve.
–Materialet e publikuara deri më tani qartë dëshmojnë se në mënyrë absolute me metoda të njëjta i kanë siguruar votat edhe Gruevski edhe Ivanov. Duke e ndjekur këtë logjikë, LSDM-ja dhe opozita e bashkuar thjeshtë ndjehen të obliguar t’i bëjnë thirrje Ivanivoit ta kthejë mandatin – thotë Pendarovski.
Ai nuk beson që roli i ndërmjetësuesit i Ivanovit është qëndrim i tij autentik.
– Karrierën politike të Ivanovit e shënuan dy fakte famëkeqe: i pari, mandati i tij i dytë, i cili në mënyrë ilegale është fituar dhe i dyti, në vitin e fundit dhe në pesë vitet e kaluara, ai nuk është fare i pranishëm në politikën maqedonase. Për propozimin e dyshimtë për ndonjë rol të tij të ndërmjetësuesit në krizën aktuale, nuk besoj që bëhet fjalë për qëndrimin e tij autentik, aq më pak për propozim serioz nga cili do politikan vendas apo i huaj i cili i respekton parimet e veta – thotë në intervistë Pendarovski.
