Maqedonia është temë e rëndësishme në jetën politike të Bullgarisë, vlerësoi shkrimtari dhe historiani bullgar Plamen Paskov në debatin për Luftën e Parë Botërore të cilin e organizoi portali rus “Pravda”.
“Maqedonia për ne është më shumë se Kievi që është për Rusinë. Ky është vend i shenjtë. Ohri ka qenë kryeqendra e Bullgarisë në mesjetë. Atje Shën Klimenti i Ohrit ka përpiluar alfabetin tonë të cilin edhe sot e përdorim. E ka bërë me kërkesë të mbretit bullgar Boris ndërsa e ka hapur edhe shkollën e parë të shkrimit- thotë Paskov.
Shkrimtari bullgar përkujton se në vitin 1915 Austro –Hungaria dhe Gjermania ia kanë premtuar Bullgarisë Maqedoninë që ajo të hyj në aleancën e tyre, por pasi lufta përfundoi në mënyrë tragjike për Bullgarinë, si palë e dështuar, ka humbur një pjesë të territorit dhe popullit të vet.
Olej Ajrapetvo, historian rus dhe mysafir- profesor në universitetin shtetërorë të Moskës thotë se Bullgaria me fundin e Luftës së Parë Botërore ka humbur çdo gjë.
“Rezultati përfundimtar i Luftës së Parë Botërore ka qenë shkatërrimi i Bullgarisë. Humbi çdo gjë. Humbi daljen në Detin Egje dhe një pjesë të madhe të Maqedonisë. Trupi kulturor i popullit bullgar ishte i ndarë. Maqedonia vazhdoi me procesin e vet dhe tërësisht u ndaj nga Bullgaria- tha Arjapetov.
