KSHZ mbrëmë ka shqyrtuar listat e kandidatëve të partive politike dhe disa prej tyre u kanë dhënë afat prej 48 orëve që t’i evitojnë parregullsitë.
Siç njoftojnë nga Komisioni, pjesa më e madhe e vërejtjeve ka të bëjë me dorëzimin e llogarisë së transaksionit për fushatën zgjedhore, vërtetim gjyqësor, deklarata dhe kopje të letërnjoftimeve të kandidatëve etj. Vërejtjet më të mëdha ka pasur për PSDM-në, e cila kishte dorëzuar emra të ngjashëm me një parti tjetër.
Më 20 nëntor me short do të vërtetohet renditja e listave në fletën e votimit për zgjedhjet e ardhshme parlamentare të 11 dhjetorit.
