Sot në mesditë, vazhdojnë bisedimet e grupeve të punës të partive politike, nënshkruese të Marrëveshjes së Përzhinos për Kodin Zgjedhor, pasi që sot në mëngjes ata u morën vesh të debllokojnë kontestin për Prokurorinë Speciale.
Ndërkaq, siç mëson “Meta”, në orën 1 pas mesnate, katër partitë politike firmosën letër të cilën duhet t’ia dërgojnë ministrit të drejtësisë, Adnan Jashari, i cili Këshillit të Prokurorëve Publik duhet t’iu sugjeroj të zgjidhen 7 ndihmës prokurorët e Katica Janevës.
Mësojmë se kjo duhet të ndodh të hënën, për kur edhe është caktuara seanca e Porkurorëve Publik, edhe atë disa orë para se prokurorët e përzgjedhur të japin deklaratën solemne. Me këtë do të debllokohej Marrëveshja e Përzhinos, kurse eurkomesari për zgjerim Johanes Han vetëm do të përshëndeste progresin.
Siç mësojmë, VMRO- DPMNE pasi që ka marrë letrën, sërish ka lëshuar bisedimet, por me një varg presionesh nga faktori ndërkombëtar, përfundimisht firmosën dhe bënë kompromis.
Në bisedimet e djeshme të grupeve të punës është dërguar lutje në Gjykatën Kushtetuese që më shpjet ta caktojë seancën e për vlerësimin e kushtetutshmërisë e Ligjit të prokurorit publik special.
Sot në bisedime të grupeve të punues pritet të arrihet marrëveshje për Kodin Zgjedhor, të cilët më së voni deri të hënën, gjithashtu duhet të jenë edhe në procedurë kuvendare.
