LSDM-ja opozitare sot, kur shënohen 2 vite nga vdekja e gazetarit dhe pronarit të javores “Fokus”, Nikolla Mlladenov nuk do të mbaj konferencë shtypi në të cilën do të publikoheshin regjistrimet, të cilat, siç u paralajmërua më herët, përmbajnë biseda rreth ngjarjes tragjike, konfirmoi për “Meta” zëdhënësi i LSDM-së, Petre Shilegov.

-Sot nuk do të ketë konferencë shtypi lidhur me temën që po pyetni. Ne disa herë paralajmëruam se do t’i publikojmë materialet që i posedojmë për Mlladenovin dhe këtë do ta bëjmë”- tha Shilegov.

Lideri i opozitës, Zoran Zaev deri më tani disa herë nëpër konferencat e shtypit për “bombat” në intervistë për mediume vendore dhe ato të huajat, paralajmëroi se do t’i zbardh edhe regjistrimet që kanë të bëjnë me vdekjen e Nikolla Mlladenovit, kështu që doli supozimi se kjo është e mundshme të ndodh pikërisht sot, kur shënohen dy vite nga vdekja e tij.