Lorens Oer, ambasadorja e Francës në Maqedoni, sot shprehu shqetësimin e saj për zbatimin e Marrëveshjes së Përzhinos dhe deklaroi se besojnë në të dhe se duhet t’i jepet shans në realizimin e plotë të saj.
Oer, gjatë takimit në Kuvend me grupin parlamentar për miqësi me parlamentin francez, nuk u deklarua për atë se Maqedonia do të humbas rekomandimin për anëtarësim në BE ose do të jetë e kushtëzuar. Por ajo pohoi se shumë shpejt do të shpallet Raporti i ri i progresit të Maqedonisë ndaj BE-së. Sipas saj, për zbatimin e Marrëveshjes së Përzhinos, përgjegjësi mbajnë të gjitha nënshkruesit e saj.